மதுரை காவல் நிலையங்களில் சீமான் மீது வழக்குப் பதிவு - பெரியார் குறித்த அவதூறு பேச்சு புகார்

மதுரை தல்லாகுளம் காவல் நிலையத்தில் திராவிடர் கழக மதுரை நகர தலைவர் முருகானந்தம் தலைமையில் மாநில அமைப்பாளர் செல்வம், வழக்கறிஞர் கணேசன் உள்ளிட்டோர் புகார் அளித்தனர். அந்த புகாரில், ‘பெரியார் சொல்லாத கருத்துக்களை ஆதாரம் இல்லாத நிலையில் சீமான் பேசியுள்ளார். சட்டம், ஒழுங்கை சீர்குலைக்க வேண்டும், சமூகப் பதற்றம், வன்முறையைத் தூண்டும் நோக்கிலும் திட்டமிட்டு அவதூறாக பேசி இருக்கிறார். அவர் மீது சட்டப்படி நடவடிக்கை எடுக்கவேண்டும்’ என குறிப்பிட்டுள்ளனர்.

இது தொடர்பாக தல்லாகுளம் போலீஸார் சீமான் மீது வன்முறையை தூண்டுதல் உள்ளிட்ட 4 பிரிவுகளின் கீழ் வழக்கு பதிவு செய்துள்ளனர். அதேபோல் மதுரை புறநகர் பகுதியில் திருமங்கலம், பேரையூர், விக்ரமங்கலம் காவல் நிலையங்களிலும் சீமானுக்கு எதிராக புகார் அளிக்கப்பட்டது. திருமங்கலம் காவல் நிலையத்திலும் சீமான் மீது 2 பிரிவுகளில் வழக்கு பதிவு செய்யப்பட்டுள்ளது.

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...