மட்டன், மீன் எல்லாம் இது முன்ன ஜுஜுபி... உலகின் சக்தி வாய்ந்த காய்கறி பற்றி தெரியுமா...

அல்மோரா மலைகளில் காணப்படும் இந்த லிங்கட் (lingad) காய்கறி உலகின் மிக சக்திவாய்ந்த காய்கறி என்று அழைக்கப்படுகிறது.

மேலும், இறைச்சி மற்றும் மீனை விட இந்த காய்கறியில் எண்ணற்ற சத்துக்கள் கிடைக்கும் எனக் கூறப்படுகிறது. இந்த காய்கறி உத்தரகாண்ட் மற்றும் இமாச்சல் போன்ற மலைப்பகுதிகளில் காணப்படுகிறது.

இந்த லிங்கட் காய்கறியில் வைட்டமின்கள், கால்சியம், நார்ச்சத்து, தாதுக்கள், இரும்பு மற்றும் புரதம் போன்ற பிற வகையான ஊட்டச்சத்துக்கள் உள்ளன. இந்த காய்கறியைச் சாப்பிடுவதால் உடலுக்குப் பல நன்மைகள் ஏற்படுகின்றன. அதாவது, இரத்தக் குறைபாட்டைப் பூர்த்தி செய்கிறது, புற்றுநோய், இதய நோய் மற்றும் நீரிழிவு போன்ற நோய்களைத் தடுக்கும் திறனும் இந்த காய்கறிக்கு உள்ளது.

இதையும் படிங்க: DHS Recruitment: 8ஆம் வகுப்பு படித்தவர்களுக்கு வேலை... ரூ.60,000 வரை சம்பளம்... டிச.31 தான் லாஸ்ட்...

இந்த லிங்கட் காய்கறி குறித்து உத்தரகாண்ட் மாநிலத்தின் அல்மோரா மாவட்ட மருத்துவமனையின் ஆயுர்வேத மருத்துவர் கீதா புனேதா கூறுகையில், “லிங்கட் காய்கறியில் இரும்பு, ஃபோலிக் அமிலம், வைட்டமின் சி, கால்சியம், பாஸ்பரஸ் ஆகிய சத்துக்கள் நிறைந்துள்ளது. இவை நோய் எதிர்ப்புச் சக்தியை அதிகரிக்கும். நோய் எதிர்ப்பு சக்தி குறைவாக உள்ளவர்கள் இந்த காய்கறியைச் சாப்பிடலாம்.

புற்றுநோய் போன்ற நோய்களால் பாதிக்கப்பட்டவர்கள் காய்கறிகளைச் சாப்பிடலாம். இந்த காய்கறியில் கலோரிகள் மற்றும் கொழுப்புகள் மிகக் குறைவு. இது தவிர ரத்த அழுத்தம் உள்ளவர்களும் இந்த காய்கறியைச் சாப்பிடலாம். இது தவிர, இந்த காய்கறியை யார் வேண்டுமானாலும் உட்கொள்ளலாம்.

சக்திவாய்ந்த காய்கறி: 1 கப் லிங்கட் காய்கறியில் 6 கிராம் புரதம், 3 கிராம் நார்ச்சத்து, 2 மில்லிகிராம் இரும்பு, 31 மில்லிகிராம் வைட்டமின் சி, 8 கிராம் கார்ப்ஸ் மற்றும் 1 கிராம் கொழுப்பு உள்ளது. இந்த காய்கறியில் பல சக்திவாய்ந்த கொழுப்பு அமிலங்கள் மற்றும் ஏராளமான ஆக்ஸிஜனேற்றங்கள் உள்ளன. இதுதவிர லிங்கட் காய்கறியை ஊறுகாயாகவும் சாப்பிடலாம்” எனத் தெரிவித்தார்.

உங்கள் ஊர் செய்திகளை வீடியோவாக பெற கிளிக் செய்க