இதயத்தை ஆரோக்கியமாக பராமரிக்க குளிர்காலத்திலும் உடற்பயிற்சி அவசியமா.?

​​குளிர்காலம் இரத்த நாளங்களைச் சுருக்கி, இருதய அமைப்பை மேலும் சிரமப்படுத்துகிறது. இதன் விளைவாக மாரடைப்பு, பக்கவாதம் மற்றும் பிற இருதய சிக்கல்களின் அபாயங்கள் அதிகரிக்கும். உட்புற உடல் வெப்பநிலையை பராமரிக்க இதயம் அதிக முயற்சி எடுக்க வேண்டும். குளிர்ந்த வெப்பநிலை உடல் வெப்பத்தை எளிதில் இழக்கச் செய்கிறது எனக் கூறுகிறார் ஜெய்ப்பூரில் உள்ள மணிப்பால் மருத்துவமனையின் இருதயவியல் ஆலோசகர் டாக்டர் அபிஷேக் சிங்.

குளிர்கால உடற்பயிற்சியின் நன்மைகள்:

• ஈரப்பதம் இல்லமை மற்றும் சூடான சூழல்.
• சூரிய ஒளி மூலம் போதுமான அளவு வைட்டமின் டி பெறுதல்.
• உடற்பயிற்சி நோய் எதிர்ப்பு சக்தியை அதிகரித்து நோய்கள் வராமல் தடுக்கிறது.

குளிர்காலத்தில் ஏன் உடற்பயிற்சி அவசியம்:

மூட்டு செயல்பாட்டை எளிதாக்குகிறது: குளிர்கால வானிலை உடலை இறுக்கமாகவும் கடினமாகவும் ஆக்குகிறது. உடற்பயிற்சி செய்வது உடல் சுற்றோட்டத்தை அதிகரிப்பதால் உடலை தளர்த்த உதவுகிறது. உடற்பயிற்சி மூட்டுகளைச் சுற்றியுள்ள தசைகளை நெகிழ்வாக வைக்கிறது. தினமும் உடற்பயிற்சி செய்வதன் மூலம் உடலை சுறுசுறுப்பாக வைக்கலாம்.

ஆரோக்கியமான எடையை பராமரிக்கிறது: குளிர்காலத்தில், செயலற்ற தன்மையைத் தூண்டும். இது தவிர, குளிர்காலத்தில் ஏற்படும் சோம்பேறித்தனம், கார்போஹைட்ரேட்டுகள், கொழுப்புகள் மற்றும் செரிமானத்திற்கு அதிக நேரம் எடுக்க வைக்கும்.

Also Read | அதிக நேரம் சிறுநீரை அடக்கி வைப்பதால் இத்தனை ஆபத்துக்கள் உள்ளதா.?. அவசியம் தெரிஞ்சுக்கோங்க...

இரத்த ஓட்டத்தை ஊக்குவிக்கிறது: உடற்பயிற்சி உடலை வெப்பமாக்குகிறது மற்றும் உடலின் அனைத்து உறுப்புகளுக்கும் இரத்த ஓட்டத்தின் ஊடுருவலை ஊக்குவிக்க உதவுகிறது. உடலை உட்புறமாக சூடாக வைத்திருப்பதால் இதயத்தின் அழுத்தத்தை குறைக்க உதவுகிறது.

உடல் வலிமைப் பயிற்சி, யோகா, உட்புறப் பயிற்சிகள், ஆன்லைன் ஒர்க்அவுட் திட்டங்கள் மற்றும் பல பயிற்சிகளை ஒருவர் செய்யலாம். இருப்பினும், இதய நோய்கள் உள்ளவர்கள் உடற்பயிற்சியை எச்சரிக்கையுடன் செய்ய வேண்டும்.

ஆரோக்கியமான இதய செயல்பாட்டை பராமரிக்க சில டிப்ஸ்:

ஆரோக்கியமான மற்றும் சத்தான உணவு: பழங்கள், காய்கறிகள், முழு தானியங்கள் மற்றும் லீன் புரொட்டீன் ஆகியவற்றை டயட்டில் அதிகரித்து நிறைவுற்ற கொழுப்புகள், சோடியம் மற்றும் சுத்திகரிக்கப்பட்ட சர்க்கரை உட்கொள்ளலை கட்டுப்படுத்த வேண்டும்.

நீர்ச்சத்து அவசியம்: வெப்பநிலை குறைவதால், ஈரப்பதத்தின் அளவும் குறைகிறது. ஆகவே உடலில் போதுமான திரவ நுகர்வு பராமரிக்க வேண்டியது அவசியம். நீர்ச்சத்து அளவை பராமரிக்க, தண்ணீருடன் சேர்த்து மூலிகை தேநீர் மற்றும் பிற நீரேற்றும் பானங்களை பருகலாம்.

பருவகால நோய்கள் குறித்து எச்சரிக்கையாக இருங்கள்: குளிர்காலத்தில் காய்ச்சல் மற்றும் தொற்றுகள் எளிதாக பரவுகின்றன. இந்நோய் வராமல் இருக்க நம் ஆரோக்கியத்தை நன்றாக கவனித்துக் கொள்ள வேண்டும். குறிப்பாக இதய நோய் உள்ளவர்கள் அதிக ஆபத்தில் உள்ளனர்.

உடற்பயிற்சி செய்யும் போது கடைபிடிக்க வேண்டிய முன்னெச்சரிக்கைகள்:

- மெதுவாக தொடங்கி, கொஞ்சம் கொஞ்சமாக தீவிரத்தை அதிகரிக்கவும்.

- உங்கள் உடலால் தாங்கும் அளவுக்கு மட்டுமே உடற்பயிற்சி வேண்டும்.

- கடுமையான குளிர்கால நாட்களில் வெளிப்புற உடற்பயிற்சியை தவிர்க்கவும்.

- உடற்பயிற்சிக்கு இடையில் போதுமான இடைவெளிகளை எடுத்துக் கொள்ளுங்கள்.